මිනිහෙක්ට වෙන වැඩක් නම් නෙමෙයි……!!

NPW

                                                                                                                                                ඔහු කාලයක් පෙරුම් පුරමින් සිටියේ තමුන්ගේම කියා ලැප්ටොප් පරිගණකයක් ගන්නා තුරු ය. ඒ සඳහා අවශ්‍ය  යටිතල පහසුකම් සපයාගැනීමෙන් අනතුරුව හෙතෙම මා ඇමතුවේ තත්වයෙන් යහපත් ලැපක් අඩු මුදලකට ලබා ගැනීමට ය. ඒ සඳහා දින වකවානු ද කල්තියා සකස් කරගත් ඔහු, නියමිත දිනය පැමිණෙන තුරු බලා සිටියේ දැඩි නොඉවසිල්ලෙනි.

මේ කතාවේ ප්‍රධාන චරිතය රඟ දක්වන පුද්ගලයා මගේ හොඳ මිතුරෙකි. ඔහුට අපි “Rටා” යැයි කියමු.

 එදා සඳුදා දිනයකි. සති අන්තයේ ගෙදර පැමිණ සිටි මම උදේ පාන්දර 5ට පමණ ගාල්ලෙන් බසයක නැගගත්තෙමි. කලින්දා රාත්‍රියේ කතා වුනු පරිදි Rටා බාඳුරාගොඩ සිට යුනිටි ප්ලාසා වෙත පැමිණීමට නියමිත ය. හරියට උදෑසන 9ට යුනිටිය ඕපන් කරන නියා මා ඔහුට කීවේ 9ට පමණ එහි පැමිනෙන්න කියා ය. පෙරවරු 8.45 වන විට මා බම්බලපිටියෙන් බැස ගත්තෙමි. ලාවට බඩගින්නක් ද ආ නියා, පෙරේරා & සන්ස් වෙත ගොඩවී යමක් ගිලගත්තෙමි. ආහාර බුදින අතරතුර Rටා ට ඇමතුමක් ගෙන කොහිදැයි ඇසූ මට කන්නට වෙන කට්ට ගැන මතක් වී හීන් දාඩිය දැම්මේ ය. එනම් ඔහු ඒ වනවිටත් බාඳුරාගොඩ සිට වේයන්ගොඩට දිවෙන කොට කොට බස් රථයක සිටි බැවිනි. කුමක් කරම්ද ආපු එකේ වැඩේ කරන්නත් එපැයි.. කාලය ගතකිරීමට MC එක පැත්තට ඇදුනෙමි..

ඉක්බිතිව පෙරවරු 11ට ආසන්නව ඔහු පැමිනියේ ය. අනතුරුව අප දෙදෙනාම යුනිටියේ මා දන්නා අඳුරන කඩය වෙත පිය මැන්නේ දැඩි අලස බවකිනි. ඔහු අවශ්‍ය කරන වර්ගයේ ලැපක් තෝරාගත්තේය එක ඩෙල් වර්ගයේ ලැපක් වූ අතර අයි5 එකකි. විකුණුම් මිළ 82ක් පමණ වූ එය 74කට කතාකරගන්නා ලදී. ඉන්වොයිසිය ලියන අතරතුර මේකා මා සමඟ කීවේ මෙවැනි කතාවකි. ” මචං කාඩ් එකෙන් ගෙවන්න පුලුවන් නේ ද..? ”  අනේ අෆොයි.. මේ ගෝතයා මෙච්චර වෙලා ඉඳල දැනුයි කිව්වෙ. කඩේ පුද්ගලයාගෙන් ඇසූවිට කීවේ කාඩ් එකෙන් ගෙවනවානම් රු. 1850/-ක් වැඩිපුර ගෙවීමට සිදුවෙන නිසා පහල ATM එකට ගොස් හැකිතරමක් මුදල් කර රැගෙන එනු කියා යි. පසුව අපි දෙදෙනාම පහල BOC ATM එක වෙත ගියෙමු. එතැනත් ප්‍රශ්නයක් මොහුගේ මුදල් තිබෙන්නේ බැංකු 2කය. BOC එකේ 15ක් සහ Seylan එකේ 60කි. දැන් BOC එකේ තිබූ 15 කෑෂ් කර ගත්තෙමු. අනතුරුව Seylan ATMඑකක් සෙවූ නමුත් ඒ ආසන්නයේ නොතිබුණි. එහෙයින් MC – Commercial ATM එකට Seylan කාඩ් එක දමා එයින් මුදල් ලබා ගැනීමට මොහු පෙළඹුණි.

අවාසනාවක මහත..!!!! ඔබගේ කාඩ්පත බල රහිත කරන ලදී ද මොකද්ද එකක් සමග කාඩ් පත ATMයන්ත්‍රය තුල හිර වුණි. එබිය හැකි සියලු බොත්තම් එබුවද කාඩ්පත එලියට නො ආවේය. බැංකු පොතද මොහු දමා ඇවිත් ය. දැන් සල්ලිත් අරන් ඉවරයි..  අප දෙදෙනා ස්ටක් වී මුහුණින් මුහුණ බලාගෙන සිටී… ඒ ආසන්නයේ සිටි සිකුරිටි කෙනෙක් ගෙන් ඇසූ විට උඩ තියෙන Commercial බැංකුව වෙත ගොස් මැනේජර් හමුවෙන්න යැයි කීවේය. එහි ගිය පසු දෑගන්නට ලැබුනේ තවත් හතරබීරි කතාවකි. පහල ඇති ATMයන්ත්‍රයේ මුදල් දැමීම් සහ සියලු කටයුතු බාරව සිටින්නේ Union Place ශාකාවෙන් බවත් කාඩ්පත ලබා ගැනීමට එම බැන්කුවේ නිළධාරියෙකු අමතන ලෙසත් ය. දුරකතන අංකයක් ද ලැබුනි. එය ඇමතූ පසු කියා සිටියේ ඔවුන් මුදල් දැමීමට දින 2කට වරක් පැමිණෙන බවත් ඊයේ මුදල් තැන්පත් කළ බවත් නැවත අනිද්දා පැමිණේන විට කාඩ්පත අරන් දිය හැකි බවත් ය. Rටාට දෙලොව රත් වුණි. කරගන්නට දෙයක් නැති විය. දැන් අරෙහේ ඉන්වොයිසියත් ලියා අවසානයි. වෙයා හවුස් එකේ ලැපත් රෙඩිකරමින් සිටියි. එවර මාගේ මිතුරෙකුට ඇමතූ පසු සිද්ධිය අසා ඔහු කීවේ කොල්ලුපිටියේ ඇති සෙලාන් බැංකුව වෙත ගොස් හදිසි උදල් අවශ්‍යතාවයක් නිසා ජා.හැඳුනුම්පත පෙන්වා මුදල් ලබා ගන්නා ලෙසයි. ඉන්පසු එහි ගොස් සිද්දිය කියා මුදල් ඉල්ලූපසු එහි මැනේජර් මහතා කීවේ පොත නැතිව මෙපමණ මුදල් ප්‍රමාණයක් දිය නොහැකි අතර අවශ්‍යනම් රු.5000/- ලබා දිය හැකි බවත් ය. “නෑ 5000 උඹම තියාගනින්” යැයි කියූ මගේ මිත්‍රයා බැංකුවෙන් ඉවතට පැමිණියේ ය. 

අහෝ දැන් කුමක් කරම්ද…??? බැංකු පොත ගෙනේමට මොහු බෙලිඅත්තට යා යුතු ය. ඔව් ඉතිං එහෙමවත් කරමු යැයි කියූ මිත්‍රයා සාප්පුවට ගොස් අර ලබාගත් 15000/- අත්තිකාරම් වශයෙන් ගෙවා හෙට පැමිණෙන්නම් යැයි කියා සසර කල කිරී බෙලිඅත්ත බලා ගමන් ඇරඹුවේ ය.  

අනේ අපොයි වෙච්ච දෙයක්……… මිනිහෙක්ට වෙන වැඩක් ද හැබෑවට..??

 

අරුම පුදුම සිත්රුවා මයිකල් ආන්ජලෝ….

 

Michael Angelo

ඔහු නමින් මයිකල් අන්ජෙලෝ ලොඩෝවිකෝ බුවනෝරිටි සිමෝනි ය. “මයිකල් ආන්ජෙලෝ” කියූ පමණින් ඔහු නොදන්නා කෙනෙකු මිහිකත නැති තරම් ය. ක්‍රි.ව. 1475 මාර්තු මස 6 වනදා සියැසින් ප්‍රථම වතාවට ලොව දාර්ශනය කළ ආන්ජෙලෝ.. සියවස් ගණනාවක් තිස්සේ ජන මන රංජනය කිරීමට සමත් විය.  

කලා ලොව සුප්‍රකට ඉතාලියානුවා “ලියනාඩෝ ඩාවින්සි” ගේ සමකාලීනයකු වූ ආන්ජෙලෝ.. ඩාවින්සිට නොදෙවෙනි විස්මිට නිර්මාණ මෙලොවට දායාද කළ ජගතෙකි. වෘතියෙන් ප්‍රතිමාකරුවෙකු, චිත්‍ර ශිල්පියෙකු, ගෘහ නිර්මාණ ශිල්පියෙකු, කවියෙකු, ලේඛකයෙකු පමණක් නොව ඉංජිනේරුවෙකු ද වූ ආන්ජෙලෝ වචනයේ පරිසමාප්ත අර්ථයෙන්ම කලා කරුවෙකි. පරි පූර්ණ මිනිසෙකි. 

Image

ඔහු ජීවත් වන සමයේ විශිෂ්ඨතම කලා කරුවා ලෙසින් හැඳින්වුනු ආන්ජෙලෝ, ප්‍රතිමා නිර්මාපනයේ විචක්ෂණිකයෙකු විය. ඔහු විසින් මෙලොවට දායාද කළ නිර්මාන අති මහත් ය. ක්‍රි .ව. 1504 දී ඔහු විසින් නිම කළ “ඩේවිඩ්” ප්‍රතිමූර්තිය , ආන්ජෙලෝගේ ජීවිතයේ සුවිසල් කඩඉමක් විය. | “ඇපොස්ටොලික් මන්දිරය” හෙවත් වතිකානුවේ “සිස්ටින් චැපල්” හි සිවිලිම තම අඟිලි තුඩෙන් නිමවූ සිතුවම් වලින් පුරවන්නට ඔහු සමත් විය…  ඒ සඳහා ඔහුට පුරා සිවු වසරක් කැපකිරීමට සිදු විය.

රේචල් සහ ලේයා සමඟ 1515 දී මෝසස් මධ්‍යස්ථානයේ සිතුවම් නගන්නට ද ආන්ජෙලෝට හැකි විය. 1536 සිට 1541 දක්වා කාලය තුල “ශාන්ත බර්තොලමියෝ ගේ අවසන් තීන්දුව” නම් සිතුවම ලොව පුරා ප්‍රචලිත වූ තවත් කදිම නිර්මාණයකි. මේ ප්‍රතිභාපූර්ණ කලා කරුවා , 1564 ට පෙර රෝමයේදී ඉදිකළ ශාන්ත පීතරගේ බැසිලිකා මැදුරේ සියලු නිර්මාණ සැලසුම්කරණයන් කර, තමන් අති දක්ෂ ඉංජිනේරුවෙකු බව ලොවට කියා පෑවේ ය. 

1564 දී මෙලොවේ සමුගන්නා විට ආන්ජෙලෝ ප්‍රකට ලේඛකයෙකු ද විය. 

” The flesh now earth, and here my bones,
Bereft of handsome eyes, and jaunty air,
Still loyal are to him I joyed in bed,
Whom I embraced, in whom my soul now lives…”

සිරාවටම ඒක මෙච්චරම හිට් උනා ද?

Image

ගාලු පුරේ අවසාන “ස” ප්‍රසංගය ඊයේ සන්ධ්‍යාවෙ (ජූලි 7) කරාපිටියෙ වෛද්‍යපීඨ ශ්‍රවණාගාරයේ දි අති උත්කර්ෂවත් අයුරින් පැවැත්වුණා…..
(දාන්න 5ක්…!! හිප් හිප් හුරේ….. )

මේක සංවිධානය කරන්න “රළ 2008” කස්ටිය මාර ගේමක් දුන්න. ඒක වචනෙන් කියන්න අමාරු වුනත් ඒකෙ රිසල්ට් එක ඉස්තරම්ම එකෙන් ඊයෙ දැකගන්න පුලුවන් වුනා කාට කාටත්…..

මේක මුලින් සංවිධානය කරන්න හිටියෙ වෙන විදියකට වුනත්… ඒක අමුතුම පෙරලීමක් වුනා. අන්තිමේදි අර “පෙරළෙන ගලේ පාසි නොබැඳේ” කිව්ව වගේ සියලු බාධක මැඩලගෙන අති සාර්ථක ලෙස “ස” නෞකාව දියත් කරා..

මීට සති 3කට විතර කලින් ප්‍රවේශ පත්‍ර අවසාන වේගෙන ඒමත් සමඟ “ස” නෞකාවේ හැරවුම් ලක්ෂය අපට ක්‍රම ක්‍රමයෙන් පෙනෙන්නට වුනා….. ඒ දහස් සංඛ්‍යාත රසික රසිකාවියන්ගේ රළ ගැල්ම පටන් ගත් මොහොතේ සිට ප්‍රසංගය ආරම්භ වී සෑහෙන්න වෙලාවක් යනතුරුත් ඒ ජන ගඟ ගලන්නට විණි. වික්ටර් රත්නායකයන්ට ගාල්ලෙන් දුන් තිළිණය අනෙගි  භවනීයයි.. එයට හේතු කිහිපයකි. එකක් නම් ඒ මහා යුග පුරුෂයාගේ ප්‍රතිභාපූර්ණ නිපුණත්වය රසික හදවත් තුළ ලැගුම් ගෙන ඇති නියාවෙනි. අනෙක් කරුණ නම් “රළ2008” අපේ සොයුරන්ගේ සාමූහික ප්‍රයත්නයයි.  කරුණු මෙසේ දිග හැරෙද්දී “ස” නෞකාව ගාල්ලේ පෙර නොවූ විරූ ලෙස දැවැන්ත සළකුණක් තබමින් දිග හැරුණි.

ඊයේ අපේ “ජුන්ඩා” වික්ටර් රත්නායකයන්ට සමරු තිලිණය දෙන වෙලාවෙදි වගේම, අවසාන ගීතයේ සියලු දෙනා නැගී සිට අපි ඔක්කොම රජවරු ඔක්කොම වැසියෝ… කියල කියද්දි හිතට ආපු ෆිට් එක කියල වැඩක් නෑ ඕයි…. හදවතට කතා කරන්න පුලුවන්නම් එයා කියයි මොනවගේ හැඟීමක් ද කියල ඒක.

මෙතනදි සියල්ලටම වඩා සතුටු වෙන කාරණය තමා “ටීම් රළ 2008” .. එකෙක් වගේ වැඩ කරපු එක . ඒකම තමයි අපි හැමෝටම එකම විදියෙ යමක් හිතෙන්න ගත්තෙ ප්‍රසංගෙ අවසානෙදි…

ඒක අති සාර්ථකයි.. වගේම ප්‍රබලයි… තවත් වැඩක් සමඟ ටීම් රළ ඉදිරියේදි ඔබව හමු වේවි… අපි හිතුවොත් අපිට කරන්න බැරි දෙයක් නෑ…. මෙන්න මෙයයි අපේ වෙනස.

WITNESS OUR DIFFERENCE……..

-Team 2008

අනේ කාලේ – වනේ වාසේ…!!!

බුදු අම්මෝ… අද තමයි කල්පෙකින් බ්ලොග් එක පත්තෙ අඩිය තිව්වෙ….

“නිකරුනේ කාලය ගත කරන කල්හි බ්ලොග් ලිවීම මැනැවි” යි කියල කිව්වට මොකෝ ජොබ් කට්ටක් හම්බුනාම බ්ලොග් එක දිහා බලන්නවත් වෙලාවක් නැහැ නොවැ!

ඉතිං හදිස්සියේම බ්ලොග් එක පැත්තට ආවෙ අද බස් එකේදි වෙච්ච පට්ටම පට්ට සීන් එකක් ඔයාල එක්ක බෙදා ගන්න.

මේක වුණේ අද හවස මම දිව්ලපිටියෙ ඉඳල එද්දි මීගමුවට ඇවිත් බෝඩිම පැත්තට එන්න ගොඩවුණා 240/3 මීගමුව – ගුවන්තොටුපල බස් එකකට. මීගමුවෙ ඉඳන් කොප්පරා හංදියට එනකොටම බස් කොටය(තනි දොර ) ජෑම් වලින් උතුරන්න ගත්ත (JඇM පැක් ) ඉතින් පොඩ්ඩ දුර හින්ද මාත් ඔහේ ඉස්සරහ සීට් එකේ ඉඳන් ආව. ඔන්න බස් එක ගල්කන්ද හංදිය හරියට ආව. බස් එකට පොඩි දරුවෙක් වඩා ගත්ත අම්ම කෙනෙකුත් නැග්ග. (ඒ ගෑනිටත් පිස්සු පොඩි එකෙක් වඩාගෙන ලෝඩ් ගහපු බස් වලට නගින්න ).

බස් එකේ සීට් ගත්තම මම හිටියේ ඉස්සරහම පස්සෙ සීට් වල කොල්ලො දෙන්නෙක් ඇරුනම අනෙක් සේරම ඉඳන් හිටියෙ ගෑනු උදවිය.ඉතිං කොන්දොස්තර මහත්තය කිව්ව කවෘ හරි සීට්1ක් දෙන්න කියල. එකෙක් වත් නැගිට්ටෙ නැහැ නොවැ. මම නැගිට්ටෙ නැත්තෙ ඉස්සර සීට් එකට එයාට එන්න අමාරු නිසා. කොහොම හරි අර පිටිපස්සෙ හරියෙම ඉඳන් හිටිය කොල්ලො දෙන්නගෙන් 1ක් නැගිටල සීට් එක දුන්න (කොන්දොස්තර මහත්තය තුන් පාරක් විතර කිව්වට පස්සෙ ) ඉතිං අර ගෑනු මනුස්සය පොඩි එකාවත් වඩාගෙන සෙනග පීරගෙන පිටිපස්සටම ගියානෙ වාඩි වෙන්න. අර සීට් වල වාඩි වෙලා හිටිය අම්මණ්ඩිල එකෙක් වත් කනකට වත් ගත්තෙ නැහැනෙ. අනේ ද කියන්නෙ! “ගෑනියෙකුට උදව්වට ඉන්නෙ තවත් ගෑනියෙක්” පිස්සු නැත්නම් සෝක්!

ඔන්න අපේ කොන්දොස්තර උන්නැහැ තමයි දවසේ කතාව කිව්වෙ.

“අද කාලෙ ලමයි හම්බවෙන්නෙ පිරිමින්ටනේ….” කියල කිව්ව! අම්මපා මගේ ගාව මසුරන් තිබ්බනම් මන් ඒ මනුස්සයගෙ කටේ ඔබනව ඒ කිව්ව කතාවට!

ගම්මඩු වෘතාන්තය….

 

 

පහුගිය කාල සීමාව මා හට අතිශය කාර්ය බහුල අවධියක් ව පැවති හෙයින් බ්ලොග් සටහනක් ලියන්නේ නිකන් අවුරුද්දකට පස්සේ වගේ තමයි දැනෙන්නෙ.

2011 පෙබරවාරි මාසෙ කටුනායක ඉංජිනේරු තාක්ෂණ ආයතනයට එද්දි හීනෙකින්වත් හිතපු නැති විදියෙ ප්‍රායෝගික පුහුණුවක් ලබමිනුයි මං මේ දවස් වල කාලය ගතකරන්නෙ. එහෙම කිව්වට කාලය යනව ලොවෙත් තේරෙන්නෙ නෑ. දැන් ට්‍රේනිං වලටත් මාස 5 කට කිට්ටුයි.

මුලින්ම කියන්න ඕන මං ට්‍රේනිං ඉන්න ආයතනය ගැන. නමින්  “ගල්ෆ් මෑන් පවර්”(Gulf Man Power).

Alcatel-Lucent සමාගමේ කොන්ත්‍රාත්තු ගන්න ආයතනයක් Etisalat Sri Lanka වෙනුවෙන් තමයි වැඩ කරන්නෙ. දිවයිනේ ටෙලිකොමියුනිකේෂන් කෙෂ්ත්‍රයේ ගුණාත්මක භාවයෙන් ඉදිරියෙන්ම ඉන්නෙ අපේ ආයතනය තමයි ඉතිං. පොඩි කොම්පැනිය වුනාට සුපිරි. වැඩ්ඩො ටිකත් එහෙම්මමයි. ඒවගේ සෙට් 1ක් ආයෙ ලොවෙත් නෑ ලොවි ගහෙත් නෑ… සුපිරිම සුපිරි.

 

ඉතිං මේ දිනවල මං අත ගහල ඉන්නෙ “E1 dropping from SAR F Router” කියල ප්‍රොජෙක්ට් 1කකට. ඕකට ලංකාවෙ දහ අතේ යන්න තියනව. මුලින්ම අහුවුනේ කුරුනෑගලින් පටන් ගත්තු Ring 1ක්. ඒකෙ අහුවෙනව ඉබ්බාගමුව, වහකෝට්ටේ,දඹුල්ල,හබරණ,ජයන්තිපුර,මනම්පිටිය,වැලිකන්ද,ගිරාඳුරු කෝට්ටේ,සිරිපුර සහ ගම්මඩුව. ඕවයින් මුල් සයිට් 7 ම මං 21 – 24 ඉවර කරලයි තිබුනෙ. ඕන් ඉතිං ඉතුරු 3 කරන්න ගියේ ගිය 30 වෙනිද . මුලින්ම ගියේ ගිරාඳුරු කෝට්ටෙ සයිට් එකට. නුවර , මහියංගනය හරහා තමයි ගියේ. නියම පාර!!! යද්දි ටිකක් පරක්කු වුණ නිසා එදා දවසෙ කරන්න වුනේ ඒක විතරයි. රෑ වෙලා පොලොන්නරුව පැත්තෙ ගොහින් ගෙස්ට් හවුස් 1කක නතර වෙලා… හා…… මට කියන්න අමතක වුණා, මාත් එක්ක ගියේ හිරාන් කියල යාලුවෙක්. I.E.T. කට්ටිය නම් දන්නෙ “චේන්” කියල. ගියේ සුසුකි මරුටි කාර් පොඩ්ඩක. යන්න කලිං වීල් අලයින්මන්ට් එහෙමත් චෙක් කොරන්න වුනෙත් ඉතිං අපිටම තමා…

ඉතිං පහුවදා උදේ ඇහැරෙද්දි මෙන්න මූ(චේන්) කියපි වාහනේ පැච් 1ක් කියල. හත් ඉලව්වයි. ඇත්ත නේන්නං . හැබැයි ඉතිං ගියපු පාරවල් වල හැටියට එක රෝදෙන් ගියපු 1ක ලොකු දෙයක්. .. හ්ම්ම්ම්.. නැගිට්ට ගමන් නෙ හිටියෙ එහෙම්මම මචන් ගාගෙන ස්පෙයාර් වීල් 1ක දාගත්ත. යන ගමන් පැච් 1කත් දාගෙන ඔන්න ගියා  සිරිපුර ඒ පාර.ඒක තමයි පාර වෙන යන්න 1ක් නැති හින්ද ගියා මිසක් හිතකින් නම් නෙමෙයි ගියේ. කොහොමින් කොහොම හරි සිරිපුරත් ගොඩ දාගෙන අපි ගියා ගම්මඩු යන්න. එහෙට යද්දි හැන්දෑවෙ 6 විතර වෙලා. අහ්. ගියේ නකල්ස් පාරෙන්. ෆුල් ආතල්… සුපිරි ට්‍රිප් 1. අයිෂම ගුණ්ඩු.!!!

ඉතිං අහනවලකො කතාව. ගම්මඩු ගියාමනෙ දන්නෙ. ඇයි හත් ඉලව්වෙ උඩට යන්න 4වීල් ඕනිලු. මරුටියෙ ගියානම් ගිනස් වාර්තාවක්. .. ඒ පාර එතන හිටපු සෙට් 1කකින් ඇහැව්වම කිව්ව කි.මි. 13ක් තියනවලු 4වීල් යන්ට. පයින් යෑමක් තියනවලු කැළෑපාරක කි.මි.6ක විතර… ඒත් රෑ වෙලා යන්න එපා කිව්ව වල් ඌරොයි දිවියොයි ඉන්නවලු….  අනේ ඉතිං එතන ට්‍රක් 1ක් තියනව දැකල මං ඇහැව්ව මේක යනවද කියල .. මෑන්ස් කිව්ව “අපොයි ඔව් පෙරේදත් ගියා හිරු එෆ්.එම් එකේ ජෙනියට ඩීසල් අරගෙන” කියල. මේක යන්න හයර් එක කීයක් ඕනද ඇහුවම හෙනගහන්න වගේ ඒක කිව්වෙ නැතෑ 12 දාහක් ඕනි කියල. තියාගනිං උඹෙ ට්‍රක් එක කියල අපි ආපහු ආව උදේට පයින් යන්න හිතාගෙන. ඊට පොඩ්ඩක් එහා ලැයිමක් තිබ්බ එතන හිටි මනුස්සයෙක්ගෙන් “ගයිඩ්” කෙනෙකුත් සෙට් කරගත්ත. ඒපාර ආයෙ අපි මාතලේ හොටෙල් 1ක් හොයන් එන්න ආව. එද්දි හෙන ගහන්න වගේ ගම්මඩුව ටවුන් එකට පොඩ්ඩක් එහා පාර මැද්දෑවෙ කොල්ලො සෙට් 1ක් බොනව දාගෙන. මං හෝ පාරක් ගැහුව අයින් වෙන්න කියල මෙන්න සෙට් 1ක වටකොරගත්ත කාර් එක. දොර ඇරපිය කියාගෙන කාර් එකට 5ක් 6ක් තඩි බෑවෙ නතෑ උන් ටික. මං හිතුවෙ වින්ඩ් ස්ක්‍රීන් 1කට බඩු තමා කියල. එතන සිහියෙන් හිටි 1ක් අරුන් ටික පැත්තකට කරන්න ගියත් වැඩේ හරි ගියේම නෑ.. ඒපාර හිරාන් දොර ඇරිය.. ෂිහ් මං හිතුව හරි තමයි කියල එකෙක් කාර් 1ක අතුලටම ආව.. ඒපාර හරි අය්ය… හරි අය්ය… කියල යන්තං ශේප් කරන් දොරවහපං කියල කෙලමෝලෙන් ඇදල ආව … හරියට නිකන් චාන්ස්1ක් ආපු ගමන් කනෙන් රිංගුව වගේ…. බුදු අම්මෝ….. පැය භාගයක් යනකන් හාට් 1 ස්ටක් වෙලා තිබ්බෙ.

හා ඒක නෙමේ, ආයෙම මාතලේ එද්දි පොලීසියට අහුවුනා නොවැ .. සීට් බෙල්ට් දාන් ගියෙත් නෑ හෙඩ් ලයිටුත් 1කයි පත්තු වෙන්නෙ… ඒපාර රාළහාමි මාමට රු.150ක් දීල බේරිල ආව.. පගා මරුවෙක් ඌ….

කොහොමින් කොහොම හරි ඒ ප්‍රශ්නෙත් ගොඩදාගෙන මාතලේට ඇවිල්ල රෙස්ට් හවුස් 1කක ඉඳල පහුවදා ඒකියන්නෙ හරියටම 2012 ලබපු ගමන් 01 වෙනිද සුභ මුහුර්තියෙන් පාන්දර 6ට විතර ආව ගම්මඩු නගින්න….. ඉතිං නැග්ගෙ නැතැ‍යි 7 ඉඳන් 10.30 වෙනකන්….. උඩට යද්දි පාන් කියාගන්න බැරුව හිටියෙ. යද්දි තමයි දැක්කෙ ඒ පාරෙ 4 වීල් තියා 10 වීල් වත් යන්න බැරි බව. හම්මෝ මදැයි ගම්මඩු ගියා…

 

අර බඩුත් උස්සන් අර කන්ද නැග්ග කිව්වම තාම ඇඟේ හිරිගඩු පිපෙනව ඕයි……  කමක් නෑ අමාරු වැඩක් කරාම තමයි හිතට ෆිට්1කක් එන්නෙ. අලුත් අවුරුද්දෙ කවුරුවත් නොකරන ජාතියෙ වැඩක් කොරල ස්ටාර්ට් 1ක් ගත්ත.  ජීවිතේ අමතක නොවන එක්ස්පීරියන්ස් 1ක් …..!! කාට හරි ගම්මඩු පැත්තෙ යන්න ඕනෙනම් වහාම මාව අමතන්න. (ජීවිතේට එකම එක පාරක් විතරක් යන්න ඕඅන තැනක් තමයි ගම්මඩු කියන්නෙ.)

ඩී.කේ. වයිල්ඩ්-ග්‍රාෆ් ඇඩ්වෙන්චර් 2012 බිගින්ස්………!!!

 

සුභ අලුත් අවුරුද්දක් වේවා…!!

කවුද හරි..?

 

 

 

ගණිතයේ විවිධාකාර හැසිරීම් තියනව…

ඉතිං ඒ විවිධාකාර ප්‍රයෝග අතර මතභේදාත්මක ගැටලුවක් තමා මේකෙ තියෙන්නෙ.

බැලූ බැල්මට සරල වගේ පෙනුනත් ටිකක් විතර හිතල බලල හරියටම උත්තරේ කියන්න බලන්න…

 

 

විවිධ පුද්ගලයන් විවිධාකාර උත්තර සපයනව.. ඒවට විවිධාකාර හේතුත් තියනව.. ඔබට හිතෙන දේත් කියල දාන්න බලන්න.

 1 + 1 + 1 + 1 + 1 + 1 + 1 + 1 + 1 + 1 – 1 + 1 + 1 + 1 + 1 + 1 + 1 x 0 = ?

 

නවාතැනේ අල්ලාප සල්ලාප 1

හලෝ එව්‍රිබොඩි..! ගුඩ් මෝර්නින්ග් කිව්ව ඔයාලට...
බොහොම කාලෙකට පස්සෙ පෝස්ට්1ක් දාන්න කියල ආව...

දැන් DK සහෝදරය ඉන්නේ කටුනායක පැත්තෙනේ...
අලුත් ප්‍රාන්තෙ ගැන නම් ඉතිං කියල වැඩක් නෑ....
දවාලෙට සීතල තමා ඉවසන්න බැරි.
දැන් කොල්ල ඉංජිනේරු තාක්ෂණ ආයතනයට (IET)ගියාට පස්සෙ බෝඩිම් කාරයෙක් උනා නොවැ....
කවද කාපු ටකරං ද නේද...!
ඉතිං යාලුවනේ මම ඉන්නේ තවත් අතීසාර අති පජාත අකල්‍යාණ කෙලගුවේර මිත්‍රයෝ 3න් දෙනෙක් එක්ක... 
 මේ මාර දූතයෝ 3න් දෙනා ගැන කියන්න ගියොත් ලබන බරහස්පතින්ද තියන එක්සෑම් එකට කෙළවෙනව 
ඒක හින්ද කෙටියෙන් කියන්නම්....

අපේ බෝඩිමේ ඉන්න ලොකුම එහෙමත් නැත්නම් විසාලම මනුස්සයගෙන් පටන් ගන්නම් මිනිහ ගැන කියන්න 
මෙතන ඉඩ මදි... පස්සෙ වෙන පෝස්ට් එකකින් කියන්නම් පොර ගැන.. 
මෑන්ස් ගේ නම ඇවිල්ල "පිළිබඳ" නම ආපු හැටි එහෙම ඉදිරියේදි කියන්නම්...
පිළිබඳගේ තියන සුවිශේෂීම දක්ශතාවය තමයි ඕනම සීතල ප්‍රාන්තෙකට ගිහිල්ල ඕන තරම් 
"අයිස් ක්‍රීම් කන්න" පුලුවන් කම ... අයිස් ක්‍රීම් කනව කියන එකේ තේරුම කට්ටිය පුලුවන් නම් හොයාගන්න... 
බරි උනත් කමක් නෑ ඉදිරි ලිපි වලදි හොඳට තේරේවි....

බෝඩිමේ ඉන්න තව එකක් තමයි “චේන්” මෑන්ස් අපේ ගෙවල් ගාවම මාත් එක්ක 1 වසරෙ ඉඳන් අකුරට ගිය

සියදෝරිස් කෙනෙක්…. මිනිහ ටිකක් කතාවට හොරයි.. හැබයි නලු නිලියන්ගෙ ඕප දූප හොයන්න නම්

කියාපු මිනිහ බොක්ස් ඔපිස් නුත් තියයි..!

හරි දැන් 2න්නෙක් ගැන කියල ඉවරයි දැන් තමයි සුපිරි මිනිහ ගැන කියන්නෙ... 
මේ කියන වෙලාවෙත් සුවර් එකටම මෑන්ස් රෙද්දක් පොරවන් ගොරව ගොරව බුදි ඇති...
නමින් "ලොකා" හැබැයි කරන වැඩ නම් හෙන්චය්ය ටයිප්.. O.o ලෝකෙ පෙල්ලෙනව කිව්වත් 
මිනිහගෙ වැඩේ නිදාගන්න එක... මාර හැකියාවක් ඒක..! සුපිරියි අති විශිෂ්ටයි..!
ලෝකෙටම එකයි...! මෑන්ස් ටික වෙලාවක් හරි ඇහරල හිටියොත් කරන එකම වැඩේ 
බලාපු ෆිල්ම්ස් එකක් පට්ට ගහන එක.! අති කුජීතයි... 
අහ් අමතක වෙනව තව පොඩ්ඩෙන් මිනිහ තරම් හොඳට වන් ටු වන් ගහන්න 
අපේ බැච් එකේ මොකෙක්ටවත් බෑ.... මිනිහගේ ප්‍රියතම ගුරුවරය තමයි "ගමගේ සර්"  
සර් ගැනත් ඉස්සරහට කියන්නම් රසකතා එමටයි...

ඔන්න කැරක්ටර් 3න.. මුන් 3න් දෙනා ගැන කියන්න කතා ඕනතරම් තියනව 
ඉක්මනටම අරගෙන එන්නම්  එතකන් හැමෝටම සුබ දවසක්!